Protestuesit rrethojnë godinën, deputetët e PD mbërrijnë në Kuvend, Berisha: Të shkrihet Parlamenti!
Berisha dhe demokratët janë futur në parlament nga porta e kalasë së Toptanit, më pas kanë kaluar në rrugën pedonale dhe kanë hyrë në porta e Akademisë së Shkencave.
Demokratët vendosën të marrin pjesë në seancën e fundit të parlamentit, ku një ndër kërkesat ka qenë për shtyrjen e afatit të Komisonit të Reformës Territoriale.
Gjatë hyrjes së tij Berisha ka dhënë një deklaratë për mediat, ku është shprehur se kërkesa e tyre është shkrirja e parlamentit, duke e konsideruar këtë si të vetmin vendim të drejtë që mund të merret.
“I vetmi akt i përgjegjshëm i tij është të deklarojë fundin e tij, shkrirjen e tij dhe hapjen rrugë për zgjidhjen që kërkojnë mbarë rinia dhe qytetarët shqiptarë. Ço akt tjetër është fund e krye i pavlerë ndaj dhe ne kërkojmë sot vetëshpalljen, shkrirjen e këtij parlamenti. Ky është i vetmi vendim i drejtë që parlamenti mund të marrë sot”, tha Berisha.
Fraksion.com
