Pamje të rënda! I riu i larë në gjak, transportohet me urgjencë drejt ambulancës, mesazh protestuesve: Mos u dorëzoni!
Një incident i rëndë është regjistruar gjatë protestës para Kuvendit, ku një i ri, që në kokë ka dhe një flamur kuq e zi është parë i mbuluar në gjak dhe është transportuar me urgjencë drejt ambulancës për të marrë ndihmën mjekësore.
Në momentin që është nxjerrë nga turma, i riu u ka bërë thirrje protestuesve që të mos tërhiqen, duke përcjellë mesazhin: “Mos u dorëzoni!”. Ndërkohë, policia ka hedhur në drejtim të protestuesve ujë me piper dhe gaz lotsjellës, duke sjellë probleme me frymëmarrjen te shumë qytetarë.
Dy protestues raportohet se kanë mbetur të lënduar, dhe po transportohen nga ambulanca në spital.
Fraksion.com
