“Nuk na përfaqësoni”, protestuesit mbërrijnë te Kuvendi, policia ‘blindon’ zonën
Ashtu siç ishte paralajmëruar, protestuesit kanë mbërritur pranë Kuvendit, aty ku do të zhvillojnë tubimin e tyre.
Ndërkohë, policia ka blinduar zonën, ndërsa protestuesit brohorasin: “Nuk na përfaqësoni!”
Policia ka vendosur një gardh metalik që nga kryqëzimi i Rrugës së Elbasanit dhe asnjë automjet dhe asnjë qytetar nuk lejohet të kalojë, ndërsa këtë herë është zgjeruar edhe perimetri i sigurisë.
Demonstruesit janë pozicionuar përballë kordonit të Policisë së Shtetit, e cila ka vendosur masa të shtuara sigurie dhe ka rrethuar me gardhe metalike hyrjet drejt Parlamentit, ku pritet të zhvillohet seanca e fundit plenare.
Thirrjet “Revolucion!”, “Parlament i krimit!” dhe “Rama, dorëheqje!”, pushtojnë zonën përballë Kuvendit.
Me pankarta dhe brohoritje kundër qeverisë, protestuesit kanë përsëritur kërkesën e tyre kryesore për dorëheqjen e kryeministrit Edi Rama, duke deklaruar se do të vijojnë mobilizimin edhe në ditët në vazhdim.
Fraksion.com
