“Egërsi publike”, tensione para Parlamentit. Protestuesit pas fyerjes rrethojnë deputetin e PS, Ardit Bido: O hajdut

Tensione janë regjistruar para ambienteve të Parlamentit. Protestues të shumtë shihen teksa kanë rrethuar deputetin e PS-së në zonën e Vlorës, Ardit Bido duke i bërë thirrje: O hajdut!

Situata ka degraduar në tensione të forta  pasi Bido, deputeti i Partisë Socialiste  është ‘konfrontuar’ me ta duke u përfshirë në një përplasje verbale me protestuesit.

Ndërsa zona përreth institucionit ishte tërësisht e rrethuar nga një masë e madhe qytetarësh që vijonin tubimin, Bido ka tentuar të kalojë mes përmes turmës në drejtim të sheshit “Fan Noli”.

Prania e deputetit të mazhorancës nuk është pritur aspak mirë nga turma, e cila ka shpërthyer menjëherë në thirrje të ashpra  “o hajdut” dhe kërkesa të prerë që ai të largohej menjëherë nga aty.

Përballë revoltës në rritje, kanë ndërhyrë efektivët e Policisë së Shtetit.

Sakaq, forcat e rendit kanë krijuar një kordon sigurie, duke bërë të mundur shkëputjen dhe largimin e Bidos.

Fraksion.com