Djali i Brad Pitt dhe Angelina Jolie, Maddox Jolie-Pitt, ka paraqitur kërkesë ligjore për të hequr mbiemrin “Pitt” nga emri i tij dhe për t’u quajtur vetëm “Maddox Chivan Jolie”.
Sipas medias TMZ, ai ka dorëzuar dokumentet për ndryshimin e emrit, duke sinjalizuar distancim nga mbiemri i babait të tij. Ky vendim vjen pasi më herët ai kishte nisur ta përdorte vetëm mbiemrin “Jolie” edhe në jetën profesionale, ku në filmin e fundit të Angelina Jolie, “Couture”, figuron si asistent regjisor me emrin “Maddox Jolie”.
Kërkesa e Maddox për ndryshimin e emrit ende nuk është miratuar, por pritet vendimi i gjykatës.
Maddox është fëmija më i madh i ish-çiftit të Hollywood-it,të cilët kanë gjashtë fëmijë së bashku. Edhe disa prej fëmijëve të tjerë të tyre kanë përdorur vetëm mbiemrin Jolie në paraqitje publike dhe projekte artistike. Motra e tij Shiloh Jolie ka bërë ndryshim ligjor të emrit.
Ky zhvillim shihet si një tjetër shenjë e distancimit të fëmijëve nga i ati, në një marrëdhënie që është tensionuar prej ndarjes së Brad Pitt dhe Angelina Jolie në vitin 2016.
Brad Pitt dhe Angelina Jolie u njohën në fillim të viteve 2000 dhe u kthyen në një nga çiftet më të famshme të Hollywood-it. Ata ndërtuan së bashku një familje me gjashtë fëmijë dhe u martuan në vitin 2014. Marrëdhënia e tyre përfundoi në vitin 2016, ndërsa divorci u finalizua pas një procesi të gjatë dhe të bujshëm ligjor
Fraksion.com
