Rama në Elbasan: “Opozita një katastrofë ambulante, mund të pengojë integrimin”

10 Maj, 2026 admin

Në një mbledhje të Asamblesë së Partisë Socialiste të zhvilluar këtë të diel në Elbasan, kryeministri Edi Rama deklaroi se procesi i integrimit europian të vendit kërkon stabilitet politik dhe mbështetje të fortë parlamentare.

Rama tha se votat e marra nga shumica nuk kishin qëllim “karrigen”, por garantimin e vazhdimit të negociatave me Bashkimi Europian.

Sipas tij, deri më tani janë miratuar 27 ligje në funksion të procesit të integrimit, të cilat lidhen drejtpërdrejt me përmbushjen e detyrimeve në kuadër të negociatave.

Në fjalën e tij, kryeministri kritikoi ashpër opozitën, të cilën e cilësoi si “një katastrofë ambulante”, duke shtuar se mungesa e një opozite funksionale mund të krijojë vakum politik që rrezikon të shoqërohet me “energji negative” dhe të pengojë rrugën europiane të vendit.

Ai komentoi edhe protestat e opozitës, duke i cilësuar si penguese për punën parlamentare, ndërsa theksoi se pa shumicën aktuale do të ishte vështirë të avancohej procesi i negociatave.

Rama shtoi se shumica parlamentare prej 83 mandatesh mbetet e qëndrueshme dhe se procesi i integrimit nuk vihet në pikëpyetje nga zhvillimet e brendshme politike.

Fraksiin.com

Mund të pëlqeni gjithashtu...