“Balluku i tha ‘nga 6 mijë SMS, 4 mijë janë të tuat’”/ Berisha: Agasi, Beqiri dhe Hyseni kanë nisur të flasin! E kuptuan që Rama i ‘lëshoi’
Kreu i Partisë Demokratike, Sali Berisha, është paraqitur këtë të hënë në SPAK, në kuadër të masës së sigurimit “detyrim paraqitje” të vendosur ndaj tij.
Pas daljes nga ambientet e Prokurorisë së Posaçme, Berisha u ndal për të komentuar zhvillimet e fundit lidhur me hetimet dhe personat e përfshirë në dosjet e SPAK.
Ai pretendoi se Ergys Agasi, Ermal Beqiri dhe Vlora Hyseni kanë nisur të flasin para hetuesve, pasi, sipas tij, kanë kuptuar se kryeministri Edi Rama nuk i ka mbrojtur më.
“Tani çfarë ka ndodhur, Ergys Agasi, Ermal Beqiri, Vlora Hyseni po e kuptojnë që i ka shitur Rama. I pabesi, besë nuk ka. Pra ky i ka shitur dhe ata kanë filluar të flasin. Ata e kuptuan se njeriu që i kishte dhënë të gjitha garancitë i lëshoi në duart e policisë”, tha Berisha.
Deklaratat e Berishës vijnë në një kohë kur SPAK vijon hetimet në disa çështje ku janë përmendur emrat e personave të sipërpërmendur. Pretendimet e bëra prej tij mbeten pjesë e qëndrimit politik të kreut të opozitës dhe nuk përbëjnë në vetvete konstatime gjyqësore për fajësi.
Fraksion.com
