Fabrika e VW në Osnabrück – qendër prodhimi ushtarak

Volkswagen tërhiqet nga fabrika e Osnabrückut. Kompania planifikon t’ia shesë fabrikën investitorit izraelit Aurelius dhe landit Saksoni e Poshtme. Atje do të nisë prodhimi i pajisjeve ushtarake.

Volkswagen po tërhiqet nga fabrika e  Osnabrückut. Kompania planifikon t’ia shesë fabrikën investitorit financiar izraelit Aurelius dhe landit Saksoni e Poshtme. Në të ardhmen atje do të nisë prodhimi i pajisjeve ushtarake. Kështu mund të ruhen tre të katërtat e vendeve të punës.

Volkswagen-i po tërhiqet nga fabrika e Osnabrückut. Në fabrikë, e cila kohët e fundit ishte objekt diskutimi në kuadër të ristrukturimit të kompanisë, në të ardhmen do të nisë prodhimi i pajisjeve ushtarake. Sipas një njoftimi, VW, landi Saksoni e Poshtme dhe investitori izraelit Aurelius Capital kanë rënë dakord për pikat kryesore të një shitjeje.

Pas përfundimit të prodhimit të automjeteve  në Osnabrück në vitin 2027, kompania do ta zhvillojë fabrikën gradualisht në një “qendër kompetence për zgjidhje sigurie dhe mbrojtjeje”. Volkswagen kishte vendosur në dhjetor 2024 që të përfundonte prodhimin e modelit T-Roc Cabrio në Osnabrück në verën e vitit 2027.

Zgjidhja siguron 1.400 vende pune

Marrëveshja ende nuk përbën një shitje të përfunduar, por hedh themelet për hapat e ardhshëm. “Këtu bëjnë pjesë përcaktimi i përgjegjësive të ardhshme, konfigurimi ekonomik dhe organizativ, si dhe përgatitja e kalimit të mundshëm”, thuhet në njoftim. Zbatimi mbetet i kushtëzuar nga marrëveshjet përfundimtare, vendimet e nevojshme të organeve dhe kontrolli i autoriteteve.

Sipas planeve, fondi izraelit Aurelius, i specializuar në projekte të mbrojtjes, do të marrë shumicën e aksioneve të fabrikës, ndërsa landi Saksoni e Poshtme do të mbajë pakicën. Palët e përfshira sqaruan se do t’i negociojnë detajet e marrëveshjes në muajt e ardhshëm. Sipas këshillit të punonjësve, zgjidhja e arritur tani ofron një të ardhme për rreth 1.400 nga gjithsej 1.800 të punësuarit aktualë. Kështu, rreth tre të katërtat e stafit do të kenë një perspektivë vazhdimësie.

Një shitje e drejtpërdrejtë nuk ishte e mundur për shkak të shqetësimeve të aksionarit të madh të VW-së, Katarit. Emirati ka një marrëdhënie të veçantë me Izraelin, pasi mban gjithashtu kontakte me lëvizjen radikale islamiste Hamas. Katari është aksionari i tretë më i madh i VW-së, pas familjeve Porsche dhe Piëch dhe landit Saksoni e Poshtme, dhe zotëron 17 përqind të të drejtave të votës.

Sisteme mbrojtjeje ajrore për Iron Dome

Si projekti i parë, fabrika do të prodhojë sisteme mbrojtjeje ajrore të prodhuesit izraelit të Iron Dome-it, Rafael. Iron Dome është një sistem i lëvizshëm, tokësor, që neutralizon raketat dhe predhat e mortajave nga distanca shumë të shkurtra. Rafael prodhon gjithashtu sistemin Iron Beam, një armë lazer kundër objektivave ajrorë.

“Gjermania dhe Evropa duhet të forcojnë aftësitë e tyre dhe të bëhen më të pavarura. Saksonia e Poshtme dëshiron të kontribuojë që nga kjo të lindin vlerë e shtuar dhe vende pune të sigurta”, tha kryeministri i Saksonisë së Poshtme, Olaf Lies.

Drejtori i Rafael-it, Yoav Tourgeman, tha se qëllimi është një partneritet industrial afatgjatë, me idenë që Gjermania të prodhojë vetë, plotësisht, teknologjinë për mbrojtjen e saj dhe të Evropës. Bashkëpunimi synon të hapë rrugën për partneritete dhe projekte të tjera nën ombrellën e shoqërisë së re. /DW

Fraksion.com