“U kërcënuan me bombë mbi 100 institucioneve”: Antiterrori kërkon ndihmën e Europol, pista ku përqendrohen hetuesit
Mbas dy e-maileve të dërguara mbi 100 institucioneve, ku kërcënohej me vendosjen e një bombe, Antiterrori ka vënë në dijeni dhe ka kërkuar ndihmë për hetime të specializuara në këtë fushë nga Europol.
Grupi i hetimit beson, duke u bazuar në të dyja tekstet që janë shpërndarë ditën e kaluar, në orën tetë, në dhjetëra institucione duke paralajmëruar bombë, se teksti është i përkthyer në shqip me Google Translate dhe, si shembull, sollën për gazetaren Anila Hoxha fjalinë “Ky është Shteti Islamik”, të shkruar në emailin kërcënues “Kjo është Shteti Islamik”.
Lista e institucioneve është e gjatë, tek të cilat ditën e djeshme, pas evakuimit dhe kontrolleve me qen antieksplozivë, oficerë të policisë gjyqësore kryen veprime në këqyrjen e emaileve, duke i administruar si prova.
Mes tyre gjykatat, përjashto Kushtetuesen dhe Gjykatën e Lartë, Ministria e Brendshme, Ministria e Mjedisit, Meteorologjia, QKB, Sigurimet Shoqërore, Inspektorati Shëndetësor, Agjencia e Pyjeve, disa bashki.
Në email paralajmërohej se ishte vendosur bombë dhe se do të shpërthente për dy orë. Gazetarja Anila Hoxha shpjegon se ky është rasti i dytë brenda vitit, pas një alarmi të ngjashëm pak muaj më parë në një qendër tregtare.
Më herët, në një nga çështjet e raportuara nga Anila Hoxha, SPAK ngriti akuza në mungesë ndaj një shtetasi rus të identifikuar si Vladislav Urban, për shkak se në 2023 dërgoi një email kërcënues me bombë, që e kishte vendosur, sipas tij, në aeroportin e Rinasit dhe do ta shpërthente nëse Shqipëria nuk e njihte Kosovën si Serbi.
Fraksion.com
