“Me HIV kryebashkiaku dhe 15 punonjës”, Bashkia e Gjirokastrës padi ndaj personit që përhapi lajmin e rremë për Golemin
Prej ditësh ky lajm ka qarkulluar në rrjet, ndërsa ngriti shqetësim të madh në komunitetin në Gjirokastër. Pas kryerje së testimeve, rezultoi se lajmi ishte i rremë.
Në deklaratën e saj, Bashkia i mohon kategorikisht këto pretendime, duke i cilësuar si të sajuara dhe pa asnjë bazë reale. Sipas institucionit, bëhet fjalë për një përpjekje të qëllimshme për të përhapur panik dhe për të dëmtuar imazhin e administratës vendore.
Reagimi thekson se publikime të tilla përbëjnë dezinformim të rrezikshëm, që cenon dinjitetin e punonjësve dhe krijon pasiguri të pajustifikuar te qytetarët.
Bashkia u ka bërë thirrje organeve ligjzbatuese të nisin hetimet për identifikimin e autorëve dhe shpërndarësve të këtij informacioni, duke kërkuar ndëshkimin e tyre sipas ligjit.
Në përfundim, institucioni siguroi se nuk ekziston asnjë situatë e tillë dhe se puna vijon normalisht, ndërsa apelon ndaj qytetarëve dhe mediave që të verifikojnë informacionet dhe të shmangin përhapjen e lajmeve të pavërteta.
Fraksion.com
