Trump dëshiron të tërheqë trupat nga vendet e NATO-s që nuk kanë bashkëpunuar me Iranin

9 Prill, 2026 admin

Administrata e Donald Trump po shqyrton një plan për të vendosur sanksione ndaj disa vendeve të NATO, të cilat i konsideron se nuk kanë bashkëpunuar mjaftueshëm me Shtetet e Bashkuara të Amerikës dhe Izraelin gjatë konfliktit me Iranin.

Lajmi është publikuar nga The Wall Street Journal, duke cituar zyrtarë amerikanë të njohur me diskutimet brenda administratës.

Sipas raportimit, propozimi parashikon tërheqjen e trupave amerikane nga vendet e NATO-s që konsiderohen më pak të dobishme për përpjekjet ushtarake kundër Iranit. Më pas, këto forca do të ripozicionoheshin në shtetet që kanë ofruar mbështetje më të fortë për fushatën amerikane.

Ky zhvillim përkon me vizitën në Shtëpia e Bardhë të Sekretarit të Përgjithshëm të NATO-s, Mark Rutte. Megjithatë, plani duket ende larg kërcënimeve të mëparshme të Trump për një tërheqje të plotë të SHBA-së nga aleanca ushtarake.

Sipas legjislacionit amerikan, një vendim i tillë nuk mund të zbatohet pa miratimin e Kongresit të Shteteve të Bashkuara, ndërsa analistët vlerësojnë se është pak e mundur që një shumicë e mjaftueshme të mbështesë një hap kaq drastik

Fraksion.com.

Mund të pëlqeni gjithashtu...