Seanca dëgjimore për gruan e arrestuar në lidhje me sulmin me bombë në Shën Petersburg zhvillohet në Moskë

Në Moskë po zhvillohet seanca e paraburgimit për një grua të arrestuar në lidhje me një shpërthim që vrau një bloger të njohur ushtarak rus në një kafene në Shën Petersburg.

Videoja tregoi gruan, 26-vjeçaren Daria Trepova, duke u shoqëruar në një aeroport të Moskës dhe më pas duke u dërguar në gjykatë. Agjencia zyrtare ruse e lajmeve RIA Novosti raportoi se gjykata, me kërkesë të një hetuesi, ra dakord për një seancë të mbyllur. Hetuesi tha se një seancë publike mund të cenojë privatësinë, sipas RIA.

Në seancë, gjykatësi tha se Trepova, e cila zyrtarisht ishte në arrest, duhet të mbahet për një muaj e 30 ditë, deri më 2 qershor.

Në një deklaratë, gjykata tha se kishte “aprovuar kërkesën e hetuesit për marrjen e një mase parandaluese në formën e paraburgimit kundër Daria Evgenievna Trepova, e cila akuzohet për kryerjen e një krimi sipas paragrafit b, pjesa 3, neni 205, pjesa 4, neni 222.1 Kodi Penal i Federatës Ruse deri më 2 qershor 2023. Neni 205 ka të bëjë me veprat terroriste.

“Kërkesa e palës mbrojtëse për zgjedhjen e një mase tjetër, pa lidhje me paraburgimin, është refuzuar”, tha gjykata.

Fraksion.com