Ukraina bën apel për më shumë armë të mbrojtjes ajrore pas shpërthimeve që tronditën shumë qytete

Ministri i Jashtëm ukrainas Dmytro Kuleba ka bërë thirrje për më shumë sisteme të mbrojtjes ajrore pas një vale shkatërruese të sulmeve mbarëkombëtare të nisura nga Rusia.

Kuleba shkroi në Twitter se kishte folur me homologun e tij kanadez dhe theksoi se “partnerët duhet të bashkojnë forcat për t’i siguruar Ukrainës menjëherë sistemet e mbrojtjes ajrore dhe raketore”.

Kuleba do të shkurtojë udhëtimin e tij në Afrikë për t’u kthyer në Ukrainë dhe për të punuar me aleatët e Kievit për të koordinuar “një përgjigje të vendosur”, shtoi ai.

Shpërthimet vdekjeprurëse në të gjithë Ukrainën të hënën në mëngjes shkaktuan qortime të ashpra nga Kievi.

Presidenti Volodymyr Zelensky tha se rusët “po përpiqen të na asgjësojnë”, ndërsa Kuleba e quajti presidentin rus Vladimir Putin “një terrorist që flet me raketa”.

Farksion.com