Jep dorëheqjen pas tensionit me Hegseth, sekretari i ushtrisë Dan Driscoll
Sekretari i Ushtrisë Dan Driscoll i ka paraqitur dorëheqjen e tij Presidentit Donald Trump, sipas mediave amerikane.
Largimi i Driscoll vjen pas një periudhe të rëndësishme në administratën e Presidentit Donald Trump, ku ai ishte një nga zyrtarët më të rinj në moshë dhe një figurë me ndikim në çështjet e sigurisë dhe mbrojtjes.
Driscoll konsiderohet sekretari më i ri i Ushtrisë në historinë e SHBA-së. Gjatë mandatit të tij ai u angazhua edhe në përpjekjet diplomatike për t’i dhënë fund luftës mes Rusisë dhe Ukrainës, një rol i pazakontë për një drejtues civil të Ushtrisë amerikane.
Përplasje me Hegseth
Sipas raportimeve në mediat amerikane, marrëdhëniet mes Driscoll dhe Sekretarit të Mbrojtjes Pete Hegseth ishin tensionuar gjatë kohës që të dy punonin në Departamentin e Mbrojtjes.
Një nga çështjet që shkaktoi përplasje lidhej me një listë promovimesh për oficerë. Sipas “The New York Times”, Hegseth dyshohet se kishte kërkuar heqjen e katër oficerëve nga lista e promovimeve, dy prej të cilëve burra me ngjyrë dhe dy gra. Driscoll raportohet se kishte refuzuar ta bënte këtë.
Në shkurt, disa media raportuan gjithashtu se Hegseth kishte kërkuar largimin e një prej këshilltarëve të lartë të Driscoll, kolonelit David Butler. Ky i fundit kishte qenë më herët zëdhënës i gjeneralit Mark Milley, një prej kritikëve të Presidentit Trump.
Sipas Fox News, Driscoll i kishte rezistuar presionit për shkarkimin e Butler.
Fraksion.com
