SPAK: Balluku u thirr në Prokurorinë e Posaçme për t’u njohur me akuzat
Ish zv-kryeministrja Belinda Balluku rikthehet në dyert e SPAK më shumë se 9 muaj pasi u mor e pandehur për tenderin e tunelit të Llogarisë. Këtë të premte, ajo iu përgjigj fletëthirrjes së prokurorisë së posaçme dhe qendroi 20 min në këtë institucion.
Burimet bëjnë me dije për News24 e Ballukut iu komunikua vendimi për zgjatje të afateve të hetimit edhe me 3 muaj të tjerë, pasi prokurorët e posaçëm argumentojnë se u duhet kohë për kryerje të veprimeve të reja hetimore.
“Znj Belinda Balluku është thirrur në Prokurorinë e Posaçme për t’u njohur me akuzën, e cila lidhet me disa procedura prokurimi, objekt hetimi; për t’u pyetur lidhur me akuzat si edhe për t’i komunikuar akte të tjera procedurale”, thuhet në reagimin e News24.
Pasi la ambjentet e SPAK, ish-numri 2 i qeverisë shqiptare, nuk pranoi të japë deklarime për mediat.
Më herët, në orët e para të mëngjesit para godinës së SPAK, një grup të rinjsh protestuan me pankarta në duar, duke e cilësuar Belinda Ballukuin si “Belaja e pushtetit”. Më pas ata u spostuan prej andej nga forcat e rendit, ndërsa dy protestues u shoqëruan në komisariat.
Por ndërkohë, edhe pse protestuesit u larguan prej andej, forca të shumta të policisë, si rrallëherë qëndruan pranë godinës derisa Belinda Balluku u largua nga ambjentet e këtij institucioni.
Ish-ministrja e Infrastrukturës dhe Energjisë Belinda Balluku, po hetohet për korrupsion dhe pastrim parash, vepra për të cilat gjatë 2 ditëve të fundit SPAK ka urdhëruar kontrolle personale dhe në ambjente të ndryshme në disa qytete.
Ndaj Ballukut janë në fuqi dy masa sigurie; ndalim për të dalë jashtë vendit dhe pezullim nga ushtrimi i funksioneve.
Ndërkohë vijon hetimi për korrupsion e pastrim parash, lidhur me dy tenderë me vlerë mbi 1 mln euro në kohën kur Balluku ishte drejtoreshë e Përgjithshme e “Albcontrol”
Fraksion.com
