“Protestë dhe në New York”, shqiptari tregon prapaskenat: Do të ketë pjesëmarrje masive, s’bëhet fjalë vetëm për Zvërnecin

Vala e protestave qytetare që ka përfshirë Shqipërinë ka gjetur një jehonë të fortë edhe përtej oqeanit, në mesin e diasporës shqiptare në Shtetet e Bashkuara të Amerikës. I ftuar në emisionin “Kjo Javë” në News24, Florian Xhuti, një shqiptar që jeton në New York, ka zbuluar se bashkatdhetarët po organizohen për të zbritur në shesh.

Sipas tij, mobilizimi ka nisur në mënyrë spontane në rrjetet sociale dhe pritet që ditën e nesërme të ketë një grumbullim masiv përpara godinës së Konsullatës Shqiptare në New York.

Siç shpjegoi ai, kauza e Zvërnecit ka shërbyer si një shkëndijë, por në të vërtetë bëhet fjalë për një pakënaqësi të grumbulluar ndër vite, ku diaspora kërkon ndryshim rrënjësor dhe llogaridhënie për mënyrën se si po qeveriset vendi i tyre i lindjes..

Fraksion.com