“Dora e fshehur e Putinit është në Iran”, Sekretari i Mbrojtjes i MB-së: Ende nuk ka detaje mbi planin e SHBA-së për t’i dhënë fund konfliktit

Sekretari i Mbrojtjes i Mbretërisë së Bashkuar, John Healey tha sot lidhur me Ngushticën e Hormuzit,  se Mbretëria e Bashkuar po ndihmon në bashkimin e kombeve dhe “krijimin e opsioneve që janë përtej ushtrisë”.

I pyetur nga BBC nëse e di se çfarë po planifikon të bëjë SHBA-ja për t’i dhënë fund luftës, ai tha se “Planet janë duke u zhvilluar. Nuk ka detaje të hollësishme për momentin.”

Ajo që është e rëndësishme në këtë fazë është një angazhim nga shumë vende që thonë se janë të gatshme të kontribuojnë në opsionet që mund të çojnë në hapjen e ngushticës për më shumë anije , tha ai.

“Keni një president, SHBA-të dhe Iranin që po zhvillojnë tani biseda, të cilat duhet të jenë të mirëpritura. Sepse nëse do të rikthejmë transportin detar në ngushticë, nëse do të rikthejmë stabilitetin në rajon, atëherë duhet të kemi një rrugë për t’i dhënë fund këtij konflikti”, thotë ai.

Sekretari Healey, tha se Mbretëria e Bashkuar po punon për të mbrojtur popullin britanik në Lindjen e Mesme, si dhe bazat dhe aleatët. Ai tha se pilotët britanikë kanë grumbulluar mbi 1,000 orë fluturim duke mbrojtur aleatët dhe interesat britanike në rajon.

Për Rusinë, ai tha se ajo i ka ofruar trajnim Iranit mbi llojet e dronëve dhe luftën elektronike.

“Putini dëshiron që ne të shpërqendrohemi nga ajo që ai po bën diku tjetër. Ne nuk do ta lejojmë,” tha ai.

Rusia i jepte Iranit informacione inteligjence para luftës – sekretari i mbrojtjes i Mbretërisë së Bashkuar

Duke folur për BBC Breakfast , Sekretari i Mbrojtjes i Mbretërisë së Bashkuar, John Healey tha se ekziston një “bosht agresioni” midis Rusisë dhe Iranit.

Ai njofton se informacionet e fundit të mbrojtjes tregojnë se, përpara konfliktit në Lindjen e Mesme, Rusia po ndante informacione dhe po ofronte trajnime për Iranin.

Ai shtoi se “dora e fshehur e Putinit” është në Iran.

Fraksion.com