SHBA i kërkon Izraelit të adresojë “kushtet katastrofike” në Gaza

Izraeli duhet të adresojë urgjentisht “kushtet katastrofike” në Gaza, tha të mërkurën e dërguara e SHBA në Kombet e Bashkuara, teksa paralajmëroi se “veprimet e qeverisë izraelite për të kufizuar shpërndarjen e ndihmave” do të intensifikonin vuajtjet.

Ndonëse ishte parashikuar muaj më parë, kushtet e rënda në enklavë nuk janë adresuar ende, i tha Këshillit të Sigurimit të OKB-së ambasadorja e SHBA Linda Thomas-Greenfield.

“Kushtet janë katastrofike dhe do të përkeqësohen më tej nëse nuk ndërmerren hapa shtesë,” tha Thomas-Greenfield, sipas komenteve të lëshuara nga zyra e saj.

“Kjo duhet të ndryshojë dhe tani. Ne i bëjmë thirrje Izraelit të ndërmarrë hapa urgjent për ta bërë këtë.”

Më shumë se 41,000 njerëz janë vrarë në bombardimet njëvjeçare të Izraelit ndaj Gazës, e cila ka shkatërruar sistemin e kujdesit shëndetësor dhe ka shkaktuar një krizë humanitare për 1.9 milionë palestinezë të zhvendosur.

Thomas-Greenfield tha gjithashtu se SHBA-ja është “thellësisht e shqetësuar” nga projekt-legjislacioni izraelit që do ta shpallte agjencinë e OKB-së për refugjatët palestinezë (UNRWA), agjencinë kryesore të OKB-së në Gaza, një organizatë “terroriste” dhe do ta ndalonte atë të operonte në Izrael.

Fraksion.com