Finlanda merr pjesë në takimin e parë të NATO-s si anëtar

Ministri i Jashtëm i Finlandës Pekka Haavisto mori pjesë në takimin e parë të tryezës së rrumbullakët të NATO-s  në Bruksel të martën, pas ceremonisë së pranimit të Finlandës më herët gjatë ditës.

Haavisto u pa duke buzëqeshur dhe duke shtrënguar duart me liderët e tjerë të NATO-s, përpara se të zinte një vend në mes Estonisë dhe Francës.

Shefi i aleancës Jens Stoltenberg hapi takimin duke thënë: “Më lejoni të filloj duke i mirëpritur Finlandën si anëtarin më të ri të aleancës sonë”.

Komentet e Stoltenberg u pritën nga një duartrokitje e gjatë, me Haavisto duke buzëqeshur dhe duke thënë fjalët: “Faleminderit”.

“Zoti Haavisto ju keni marrë pjesë në shumë takime, por kjo është hera e parë që uleni atje mes Francës dhe Estonisë. Është me të vërtetë një privilegj i madh që të kemi tani si një anëtar me të drejta të plota”, tha Stoltenberg, duke shtuar, “dhe siç e kemi thënë qartë jashtë, së shpejti do të kemi edhe Suedinë si një anëtare të plotë të aleancës sonë”.

Fraksion.com