Skandalet në vend, Topi: NATO ka informacione të bollshme, shqetësimi mund të jetë shprehur në disa mënyra
Ish-presidenti Bamir Topi ka komentuar zhvillimet e fundit që lidhen me SHISH dhe kompaninë shtetërore KAYO, duke theksuar rëndësinë që këto çështje mund të kenë në raport me partnerët ndërkombëtarë.
I ftuar në emisionin “Minuta e Parë” në News24, Topi tha se vendet anëtare të NATO-s kanë informacion të gjerë mbi mënyrën se si funksionojnë institucionet e një vendi aleat dhe mbi zhvillimet që lidhen me drejtësinë dhe çështje të tjera sensitive.
“Vendet e NATO-s, Aleanca ka informacione të bollshme, se sa të forta janë institucionet, çfarë ndodh me drejtësinë, a atakohet, çfarë ndodh me historinë e pronave në Shqipëri. Për të dalë nga zyrat e shtypit në qeveri se: po arrijmë këtë sukses, ne nuk jemi naivë. Politikat shtetërore, strukturat, e dinë shumë mirë se çfarë ndodh. Sanksionet janë të natyrave të ndryshme. Një vend anëtar ka të drejtë të thotë: ti nuk je në standard, p.sh. për të shkuar në BE. Ata janë supervizorë, ti bëj çfarë të duash. Nëse nuk e arrin standardin, ai të thotë që: nuk ke arritur këtë, hajde dhe një herë. Si ai studenti që kthehet dhe një herë në provimin e vjeshtës.”, tha ai.
Fraksion.com
