Një sulmi kibernetik shënjestron softuerin polak për kujdesin shëndetësor

Sulmi komprometoi konfidencialitetin e të dhënave personale të pacientëve.

Polonia është goditur nga një tjetër sulm kibernetik ndaj të dhënave mjekësore, vetëm pak javë pasi një shkelje e paprecedentë ekspozoi informacionin personal të pothuajse 19 milionë njerëzve.

Sulmi i fundit preku “Qbusoft”, kompaninë që qëndron pas softuerit “Medyc”, i cili përdoret nga ofruesit polakë të kujdesit shëndetësor për të menaxhuar dosjet e pacientëve dhe informacione të tjera mjekësore.

Qendra e Rehabilitimit dhe Trajtimit Psikiatrik në qytetin qendror të Inowrocław-it njoftoi të enjten se sulmi kishte komprometuar konfidencialitetin e të dhënave personale të pacientëve.

Ajo shtoi se kjo mund të ketë përfshirë detajet e kontaktit dhe numrat kombëtarë të identifikimit.

Në një koment online, Ministri i Çështjeve Dixhitale, Krzysztof Gawkowski, tha se Zyra Qendrore për Luftimin e Krimit Kibernetik po shqyrtonte “incidentin e mundshëm të sigurisë kibernetike” si pjesë e “një hetimi më të gjerë”.

Ai gjithashtu tha se qeveria kishte lëshuar rekomandime të reja sigurie për kompanitë që ofrojnë softuer për sektorin e kujdesit shëndetësor, pas një sërë sulmesh.

“Në rast të shkeljes së ndonjë procedure sigurie nga një kompani private, do të vendosen pasoja të rrepta,” tha Gawkowski.

Incidenti pason një shkelje të madhe në “MyDr” – një sistem i përdorur nga rreth 12,000 ofrues të kujdesit shëndetësor – e cila u zbulua në muajin gusht.

Raportohet se u ekspozuan të dhëna që u përkisnin pothuajse 19 milionë polakëve, përfshirë informacione rreth barnave dhe recetave mjekësore.

Fraksion.com