SPAK masë sigurie për Vlora Hysenin, Blushi: Skandal, Policia në duart e Gysit dhe “Mbrojtja” në duart e Ronit

GJKKO caktoi “arrest shtëpie” për kreun e SHISH Vlora Hysenin dhe gjithashtu SPAK urdhëroi kontrolle në banesën e ish-drejtorit të Policisë së Shtetit Ilir Proda.

“Shporrja e Edi Ramës është më shumë se kurrë emergjencë kombëtare. Shteti ka rënë! Siguria kombëtare ka rënë!  SHISH dhe Policia në duart e Gysit dhe Mbrojtja në duart e Ronit është zyrtarizim i kapjes së shtetit në çdo qelizë nga mafia!  Skandal i përmasave të jashtëzakonshme që kërkon reagim të fuqishëm kombëtar! Mafia ka sot shtetin e vet, por shteti duhet t’u kthehet shqiptarëve! Me çdo çmim”, shkruan Blushi.