Sherri në burgun e sigurisë së lartë në Fier, plagoset anëtari i grupit të Bajrajve dhe një tjetër, si nisi sherri

Zbardhen detaje të reja lidhur me konfliktin e dhunshëm të regjistruar në dhomën e ajrimit në burgun e sigurisë së lartë në Fier, ku dy persona mbetën të plagosur nga goditjet me mjete të improvizuara dhe brisqe rroje.

Mësohet se tre personat e përfshirë në këtë incident janë shtetasit Denis Bajri, Aldo Gjini dhe Jurgen Zotaj.

Përkundrazi nga sa dyshohej fillimisht për ndonjë larje hesapesh apo përplasje mes grupesh, hetimet e para tregojnë se bëhet fjalë për një zënkë të momentit. Të tre të burgosurit gëzonin marrëdhënie të mira me njëri-tjetrin dhe konsideroheshin shokë brenda ambientit të vuajtjes së dënimit.

Ndërkohë, grupi hetimor dhe drejtoria e institucionit të vuajtjes së dënimit pritet të këqyrin pamjet e kamerave të sigurisë për të zbardhur plotësisht dinamikën e ngjarjes, mënyrën se si siguruar mjetet e prerëse dhe rolin e secilit prej tyre në konflikt.

Fraksion.com