Finalizohet operacioni “Fast”, arrestohet në Malësi të Madhe 39-vjeçari i kërkuar nga Spanja për trafik droge

Një operacion i rëndësishëm policor i koduar “Fast” ka çuar në pranga një person të shpallur në kërkim ndërkombëtar për llogari të drejtësisë spanjolle. Strukturat e specializuara të FAST Albania, në bashkëpunim me Drejtorinë Vendore të Policisë Shkodër, kanë bërë të mundur lokalizimin dhe arrestimin provizor në Malësi të Madhe të shtetasit Gentjan Handraj alias Gentjan Hotaj, 39 vjeç, i lindur në Koplik.

Kapja e tij u realizua pas një koordinimi të hollësishëm informativ dhe operacional mes Policisë së Shtetit dhe homologëve në Spanjë, me qëllim gjurmimin e personave që tentojnë t’i fshihen drejtësisë.

Sipas dosjes hetimore të shtetit fqinj, ky shtetas akuzohet për veprat penale:

-Trafikimi i lëndëve narkotike

Pas prangosjes dhe shoqërimit të tij, Interpol Tirana ka nisur menjëherë procedurat zyrtare. Në bashkëpunim të ngushtë me autoritetet spanjolle, po vijohen të gjitha hapat e nevojshme ligjore për të bërë të mundur ekstradimin e shpejtë të 39-vjeçarit drejt Spanjës, ku ai do të përballet me akuzat e ngritura ndaj tij.

Fraksion.com