Hungaria ia ndalon Orbanit të kthehet në pushtet, pasi kufizon mandatet e kryeministrave

Parlamenti i Hungarisë miratoi të hënën një amendament kushtetues që u lejon kryeministrave të shërbejnë për një maksimum prej tetë vjetësh, duke e ndaluar në mënyrë efektive ish-kryeministrin Viktor Orbán të mbajë përsëri këtë rol.

Kryeministri Péter Magyar e rrëzoi Orbanin në zgjedhjet e prillit pas 16 vitesh, duke fituar një shumicë prej dy të tretash në parlament që i lejon partisë së tij të anulojë ose ndryshojë legjislacionin e miratuar nga Fidesz i Orbanit, përfshirë kushtetutën.

Amendamenti thotë se ata që kishin mbajtur më parë rolin e kryeministrit për të paktën tetë vjet “nuk mund të zgjidhen kryeministra”. Kjo vlen për mandatet kryeministrore të mbajtura pas datës 2 maj 1990.

Kryeministrat do të duhet të largohen nga detyra pas një totali prej tetë vitesh, ose dy mandatesh.

Amendamenti kushtetues hap gjithashtu rrugën për shpërbërjen e Zyrës së Mbrojtjes së Sovranitetit, të krijuar nga qeveria e Orbán-it, e cila stigmatizoi figurat e opozitës dhe gazetarët për shërbimin e “interesave të huaja”.

Përveç kësaj, amendamenti u jep shtetit të drejtat e themeluesve të të ashtuquajturave fondacione të menaxhimit të aseteve me interes publik. Qeveria e Orbán-it transferoi asete shtetërore me vlerë qindra miliarda forinta në këto fondacione.

Fraksion.com