Kryetari i PD-së, Sali Berisha ka reaguar nga foltorja e Kuvendit për protestën e qytetarëve, që ka marrë përmasa masive. Ai tha se nëse nuk lexohen kërkesat e tyre do të jetë vonë dhe gabim për historinë shqiptare.

Gjatë fjalës së tij, Berisha u shpreh se protestat e zhvilluara prej ditësh nga të rinjtë përfaqësojnë një përpjekje për të mbrojtur të ardhmen e vendit, mjedisin dhe trashëgiminë kulturore.

Sipas tij, Kuvendi duhet të lërë mënjanë çdo çështje tjetër dhe të trajtojë me përparësi kërkesat e protestuesve.

“Kërkoj urgjentisht mocion me debat me kreun tuaj. Kërkoj që parlamenti të ketë në axhendë të vetmen çështje, kërkesat që janë absolutisht legjitime”, u shpreh Berisha.

Kreu i PD-së theksoi se dëgjimi i zërit të protestuesve është një domosdoshmëri, duke paralajmëruar se injorimi i tyre do të përbënte, sipas tij, një gabim historik.

Berisha i bëri thirrje Kryetarit të Kuvendit, Niko Peleshi që të rikthejë në qendër të agjendës parlamentare debatin mbi kërkesat e protestuesve dhe zhvillimet që lidhen me to.

Të rinjtë shqiptarë në protestë janë 100 për qind të sinqertë, kërkojnë që me ëndrrën e tyre të bëjnë Shqipërinë,. Të mos merremi me asgjë tjetër veç plotësimin e kërkesave të tyre. Kërkoj urgjentisht mocion me debat me kreun tyre dhe në axhendë të Kuvendit të jkenë vetëm kërkesat e protestuesve.

Dëgjimi i zërit të tyre është domosdoshmëri absolute, ndryshe do të jetë vonë de do të jetë një gabim i madh historik që bëhet. Distancohuni nga Rama dhe ktheni agjendën e Parlamentit.

Fraksion.com