“I kërkova ta lironin që t’ia bënim dhuratë për ditëlindjen”: GJKKO nuk pranon garanci 50 mijë euro Meta mbetet në qeli

Presidenti i PL nuk ishte i pranishëm në seancë, por u përfaqësua nga avokati mbrojtës Kujtim Cakrani. Ky i fundit tha se do të ankimojë vendimin e GJKKO, duke shtuar se beteja nuk përfundon këtu.

Ilir Meta mbahet në burg prej 21 tetorit 2024, ndërsa mbi të rëndojnë disa akuza nga SPAK si shpërdorim detyre, korrupsion, fshehje pasurie dhe pastrim parash.

Ndërkohë Kujtim Cakrani, avokati i Ilir Metës zbardhi  disa detaje nga seanca e sotme në GJKKO për presidentin e PL.

Ai shtoi se dosja tanimë është kaluar për gjykim dhe mbajtja e Metës në burg është i padrejtë.

Kujtim Cakrani: I vendosëm në dispozicionin shumë e caktuar, deri në 50 mln lekë dhe gjykata nuk arriti të ngrihej në lartësinë. Eci mirë seanca, por në momentin e fundit ndryshoi gjithçka. Ne do vazhdojmë betejën tonë, do bëjmë kërkesën edhe kur çështja të kalojë në themel. Jemi në rrugën tonë për të zëvendësuar masën ndaj presidentit. Aty ishim për arsyet pse duhet të qëndrojë presidenti në bodrumet e 313.

Ai e ka humbur besimin në seancat dhe kërkon vetëm përballje në themel. Meta do lirohet sepse jemi në betejë dhe nuk tërhiqemi nga kërkesat tona.