54 vjeç dhe në formë të shkëlqyer: Sekretet e regjimit të bukurisë së Melania Trump
Fitorja e Donald Trump në zgjedhjet e SHBA-së solli në vëmendjen e mediave edhe bashkëshorten e tij, Melania.
Ajo admirohet për pamjen dhe format fizike, edhe pse është 54 vjeçe. Zonja e Parë e Amerikës është një model i kujdesit ndaj trupit dhe shëndetit, duke u bërë një figurë inspiruese për shumë gra.
Në librin e saj të kujtimeve, Melania ka zbuluar disa detaje interesante për zakonet e saj ushqimore. Një nga gjërat që ajo e ka bërë të qartë është se “nuk ha peshk të papërpunuar”, dhe ky është një rregull i saj gjatë udhëtimeve. Kur ajo dhe Donald Trump ishin për një vizitë zyrtare në Japoni, ajo i kërkoi stafit të mos i shërbenin sushi në tavolinë, duke treguar kështu një kujdes të veçantë ndaj dietës së saj.
Kjo zgjedhje është vetëm një pjesë e regjimit të saj të kujdesit për shëndetin, i cili përfshin gjithashtu ushqim të shëndetshëm, aktivitet fizik dhe menaxhim të mirë të stresit. Për Melanian, kujdesi ndaj trupit dhe lëkurës është një prioritet, dhe ajo është një shembull i një gruaje që ruan bukurinë dhe formën edhe në vitet e saj të pjekurisë.
“Gjithsesi, mundohem të provoj kuzhinën vendase kurdo që është e mundur. Ajo darkë në Tokio ishte një përzierje e shkëlqyer e shijeve dhe teksturave, një paraqitje e mrekullueshme e kuzhinës japoneze. Ishte në përputhje me preferencat e mia”, ka shkruar ajo.
Melania ndjek një regjim të shëndetshëm ushqimor dhe nuk i pëlqen dietat. Para disa vitesh, në një intervistë për revistën “GQ”, ka treguar se e nis ditën me një smoothie ose tërshërë për mëngjes.
Qëllimi i saj është të konsumojë të paktën shtatë porcione fruta në ditë, por nuk ia ndalon vetes ëmbëlsirat. Edhe pse ha shëndetshëm, ndonjëherë shijon një copë çokollatë, akullore apo një pije të gazuar.
“Nuk kam ndonjë ushqim të veçantë për ndërmjet vakteve që e ha gjithmonë. Nëse dua të ha diçka, ha fruta ose pak çokollatë. Mendoj se është e rëndësishme për trupin. Është mirë të kënaqësh dëshirat, për sa kohë e balancon këtë me një dietë të shëndetshme”, thotë ajo.
Për drekë, zakonisht konsumon sallata të ndryshme, ndërsa për darkë mish dhe perime. Melania pi shumë ujë për të qëndruar e hidratuar dhe kurrë nuk e tepron me ushqime të yndyrshme ose me shumë kalori.
Për të mbajtur formën, ajo bën ushtrime çdo ditë në shtëpi, zakonisht në mëngjes.
Zonja e Parë në librin e saj të botuar këtë vit ka thënë se bën pilates, ecën nëpër shtëpi me pesha në kyçe të këmbëve dhe luan tenis. Pas lindjes së djalit të saj, Barron, modelja ka treguar se një dietë e shëndetshme dhe seancat e pilatesit dy deri në tre herë në javë e ndihmuan të rikthehej në formë.
Fraksion.com
