“Bënë thirrje për shkarkimin e Putinit”, deputetët e Shën Petersburgut përballen me gjoba

Disa deputetë të zgjedhur në zonën e Shën Petersburgut janë thirrur nga policia pasi kanë bërë thirrje për shkarkimin e presidentit rus Vladimir Putin.

Në një shfaqje të rrallë të mospajtimit në Rusi, deputetët lokalë nga komuna Smolninskoye i bënë thirrje Dumës ruse për të fajësuar Putinin për atë që ata e quajtën krime të tradhtisë së lartë.

Autori i apelit, Dmitry Palyuga, e postoi atë në Twitter, duke pretenduar se Putin ishte përgjegjës për: “(1) shkatërrimin e të rinjve rusë të aftë për punë, të cilët do t’i shërbenin fuqisë punëtore më mirë se ushtrisë; (2) rënia ekonomike e Rusisë dhe ikja e trurit; (3) zgjerimi i NATO-s drejt lindjes, duke përfshirë shtimin e Finlandës dhe Suedisë për të “dyfishuar” kufirin e saj me Rusinë; (4) efekti i kundërt i ‘operacionit ushtarak special’ në Ukrainë.”
Palyuga dhe deputeti i tij Nikita Yuferev më vonë postuan në Twitter një thirrje të lëshuar atyre nga policia e Shën Petersburgut për “diskreditim të institucionit qeverisës”.

Palyuga më vonë raportoi se dy nga katër deputetët e thirrur janë liruar nga policia dhe të gjithë pritet të përballen me gjoba

Fraksion.com