“Mbi kuaj me gjoks të zhveshur”; Vladimir Putin iu kundërpërgjigjet liderëve të G7

Presidenti rus Vladimir Putin ka reaguar ndaj liderëve të G7-ës që talleshin me imazhin e tij maço.

Putin tha se  do të ishte “e neveritshme” t’i shihje ata të zhvisheshin.

Ndërkohë tashmë dihet që Putin ka një tendencë për të pozuar për foto pa këmishë – kjo është parë disa herë  në mediat shtetërore ruse.

Replika e tij erdhi disa ditë pasi kryeministri i Mbretërisë së Bashkuar Boris Johnson bëri shaka se udhëheqësit në samitin e G7 duhet të heqin rrobat e tyre për të treguar se janë “më të fortë se Putini”.

Madje kanadezi Justin Trudeau sugjeroi që ata të shkonin “të hipnin në kuaj me gjoks të zhveshur”.

Fraksion.com