Ngjarjet tragjike në KrakoV: Polonia dy ditë zie kombëtare

Dy ditë zie kombëtare do të mbahen në Poloni të dielën dhe të hënën, bën të ditur një zëdhënës i Ministrisë së Brendshme të vendit. Flamujt në mbarë vendin janë ulur në gjysmështizë.

“Në lidhje me ngjarjet tragjike që ndodhën në Krakov më 7 nëntor 2026, është shpallur zi kombëtare në të gjithë vendin për datat 8 dhe 9 nëntor,” thotë Karolina Galecka.

Kryetari i Bashkisë së Krakovit, Łukasz Gibała, nënshkroi dje një urdhër për shpalljen e një periudhe të veçantë zie në qytet, e cila, sipas tij, do të zgjasë deri të mërkurën.

Një person i armatosur hapi zjarr në Sheshin Kryesor të Tregut në Krakov

Çfarë dihet rreth sulmit

Sulmi filloi pak para orës 15:00 me orën lokale (14:00 GMT) në Sheshin Kryesor të Tregut në Krakov, në qytetin e dytë më të madh të Polonisë ditën e djeshme e shtunë në 7 nëntor 2026 .

Policia njoftoi se një 25-vjeçar hyri me makinë në shesh “dhe më pas filloi të qëllonte ndaj njerëzve të rastësishëm nga automjeti i tij”.

Oficerë të armatosur u përfshinë në një shkëmbim zjarri me të dyshuarin, i cili u qëllua brenda tre minutave nga fillimi i sulmit, bënë të ditur zyrtarët dje.

Çfarë dihet rreth viktimave

Gjashtë persona humbën jetën, përfshirë katër gra dhe dy burra. Tre nga viktimat ishin polakë, një ishte britanik, ndërsa dy të tjerë nuk janë identifikuar ende.

Këtu përfshihen edhe tre trupa të gjetur kur policia kundër terrorizmit kontrolloi shtëpinë e të dyshuarit, rreth 200 kilometra larg vendngjarjes, deklaroi kryeministri polak Donald Tusk. Gjithashtu, 16 persona të tjerë mbetën të plagosur, mes të cilëve pesë shtetas të huaj nga Austria, Gjermania, Portugalia, Rusia dhe Britania.

Dy oficerë policie u plagosën; ata u identifikuan nga Tusk si Jakub Kulik dhe Artur Morański.
Njëri prej oficerëve të policisë ndodhet në “gjendje shumë kritike”, sipas një ministri të qeverisë polake, pasi u qëllua tri herë gjatë përpjekjes për të arrestuar sulmuesin.

Çfarë dihet rreth të dyshuarit

Policia e ka identifikuar sulmuesin si një 25-vjeçar polak, por nuk e ka konfirmuar emrin e tij. Sipas një zëdhënësi të policisë, i dyshuari kishte veshur “uniformë të stilit ushtarak” dhe zotëronte një armë të kategorisë ushtarake. Megjithatë, autoritetet sqaruan se ai nuk ishte ushtar.
Një ministër deklaroi se hetimet paraprake sugjerojnë se ai ishte frymëzuar nga “ideologji të së djathtës ekstreme”. Ministri e përshkroi atë gjithashtu si një “ultranacionalist”, pa dhënë detaje të mëtejshme.

Sulmuesi ndodhet në spital.

Fraksion.com