Agjentët e Byrosë Kombëtare të Hetimit kanë zhvilluar kontrolle në Tiranë dhe Durrës, në kuadër të hetimeve që lidhen me dosjen e ish-numrit dy të qeverisë, Belinda Balluku.
Mësohet se kontrollet janë ushtruar në disa banesa, ndërsa operacioni zhvillohet në kuadër të hetimeve të drejtuara nga Prokuroria e Posaçme kundër Korrupsionit dhe Krimit të Organizuar, SPAK.
BKH ka zbritur në terren pasi SPAK ka vendosur zgjatjen me tre muaj të afatit të hetimeve për dosjen që lidhet me Ballukun.
Deri në këto momente, nuk janë bërë të ditura detaje të tjera mbi kontrollet dhe personat apo objektet e përfshira në hetim. Pritet që në vijim autoritetet të japin më shumë informacion lidhur me zhvillimet e fundit të kësaj dosjeje.
