Policia shtyn me forcë protestuesit për t’i hapur rrugë përfaqësuesit të kabinetit qeveritar, qytetarët i gjuajnë me vezë makinën

Situata është tensionuar para Parlamentit gjatë protestës, ku janë shënuar përplasje mes protestuesve dhe forcave të policisë.

“Poshtë diktatura!”, “Parlament i krimit”. Këto kanë qenë disa prej thirrjeve që protestuesit kanë lëshuar në drejtim të Kuvendit të Shqipërisë, ku po mbahet seanca plenare.

Sot qytetarët janë stacionuar para Parlamentit, ndërsa kërkojnë dorëheqjen e Ramës dhe qeverisë së tij, duke sfiduar dhe temperaturat e larta.

“Anuloni ligjet!”, ishte një tjetër thirrje që erdhi nga protesta.

Siç shihet edhe nga pamjet, efektivët kanë shtyrë protestuesit për t’i hapur rrugë automjetit të një prej anëtarëve të qeverisë.