Deputetët në seancë plenare: Dita e 31-të e revoltës, qytetarët protestë para Parlamentit në orën 10:00: Është koha të zgjohemi!

Nën sloganin “Ndryshimi fillon me ne, është koha të zgjohemi”, është paralajmëruar për sot një protestë para Parlamentit, që do të nisë në orën 10:00, në të njëjtën kohë me zhvillimin e seancës plenare.

Protesta u njoftua mbrëmjen e së hënës nga organizatorët e tubimeve të përnatshme, të cilët kërkojnë dorëheqjen e kryeministrit Edi Rama.

Ndërkohë, organizatorët kanë bërë të ditur se edhe në orën 19:00 do të zhvillohet tubimi i përnatshëm në sheshin “Skënderbej”, ku qytetarët do të mblidhen përpara se të marshojnë drejt godinës së Kryeministrisë.

Autoritetet pritet të marrin masa për garantimin e rendit dhe mbarëvajtjen e qarkullimit në zonat ku do të zhvillohen protestat.

Ndërsa në Parlament do të mbahet seanca e radhës plenare ku në rend dite janë:

1. Miratimi i procesverbalit të seancës plenare të datës 18.6.2026. (Neni 44, pika 2, të Rregullores së Kuvendit)
2. Njoftime. (Neni 44, pika 3, të Rregullores së Kuvendit)
3. Projektligji “Për kontrollet zyrtare dhe aktivitete të tjera zyrtare, të kryera për të garantuar zbatimin e legjislacionit për ushqimin dhe ushqimin për kafshë, të rregullimeve për shëndetin e mirëqenien e kafshëve, si dhe për shëndetin e bimëve e të produkteve për mbrojtjen e bimëve në Republikën e Shqipërisë”.
4. Projektrezolutë “Për vlerësimin e veprimtarisë së Komisionerit për Mbikëqyrjen e Shërbimit Civil për vitin 2025”.
5. Projektrezolutë “Për vlerësimin e veprimtarisë së Komisionerit për të Drejtën e Informimit dhe Mbrojtjen e të Dhënave Personale për vitin 2025”.
6. Projektrezolutë “Për vlerësimin e veprimtarisë së Departamentit të Administratës Publike për vitin 2025”.
7. Projektrezolutë “Për vlerësimin e veprimtarisë vjetore të Autoritetit të Konkurrencës për vitin 2025”.
8. Projektrezolutë “Për vlerësimin e veprimtarisë vjetore të Komisionit të Prokurimit Publik për vitin 2025”.
9. Projektrezolutë “Për vlerësimin e veprimtarisë vjetore të Autoritetit për Informimin mbi Dokumentet e Ish-Sigurimit të Shtetit për vitin 2025”.
10. Projektrezolutë “Për vlerësimin e veprimtarisë vjetore të Institutit të Studimeve për Krimet dhe Pasojat e Komunizmit për vitin 2025”.
11. Projektrezolutë “Për vlerësimin e veprimtarisë së Agjencisë së Sigurimit të Depozitave për vitin 2025”.
12. Diskutime për çështje jashtë rendit të ditës.

Fraksion.com