Qytetarët janë mbledhur para godinës së Këshillit të Ministrave edhe këtë të martë, 16 qershor.
Kjo e sotmja shënon ditën e 17-të të protestës qytetare në kryeqytet, kryesisht kundër ndërtimeve në Zvërnec.
Rreth orës 20:30 nisën me marshimin nëpër rrugët e kryeqytetit, me të njëjtin itinerar si më herët, ndërsa është sinjalizuar mundësia për një tjetër orar sa i takon nisjes së tubimit. Kjo, prej temperaturave të larta.
Mësohet dydnë fundjavë pritet zhvillimi i një proteste mbarëkombëtare që do t’i kushtohet diasporës apo të larguarve nga Shqipëria dhe dëshirës së tyre për t’u rikthyer në atdhe.
Kujtojmë se të diel, qytetarët marshuan drejt aeroportit të Rinasit, ndryshe nga herët e shkuara. Lidhur me këtë, reagoi edhe kreu i qeverisë.
“Kjo protestë që arrin e degradon në një turmë të drejtuar nga mendje të liga dhe duar të këqia drejt rrugës së aeroportit, duke bllokuar natën në rrugë mijëra njerëz në lëvizjen e tyre të lirë, ka brenda saj pikërisht atë të keqen e madhe të ekstremizmit që frymëzon bullizimin online dhe prishjen me pahir të ritmit të jetës së shumicës“, shkroi ai në rrjetet sociale.
Lidhur me bllokimin e rrugës, janë proceduar penalisht 19 persona, si dhe janë sekuestruar dy automjet
Fraksikn.com
