Trump: Irani do të paguajë çmimin, ka marrë shumë kohë për të negociuar

Presidenti i SHBA-së Donald Trump tha sot në një postim në rrjetet sociale se Irani do të “paguajë çmimin” pasi mori “shumë kohë për të negociuar një marrëveshje”.

“Irani është vetëm fjalë dhe asnjë veprim. Ngacmuesi i Lindjes së Mesme është i VDEKUR!!! Ata kanë marrë shumë kohë për të negociuar një marrëveshje që do të kishte qenë e shkëlqyer për ta, tani do të duhet të paguajnë çmimin!!!” postoi Trump në Truth Social.

Presidenti nuk specifikoi se çfarë do të përfshinte “çmimi”, por kjo vjen pasi SHBA-të thanë se nisën një valë të re sulmesh kundër Iranit të martën pasi një helikopter Apache i Ushtrisë u rrëzua pranë Ngushticës së Hormuzit.

Një zyrtar amerikan i tha CNN dje se sulmet e reja kishin për qëllim një paralajmërim ndaj Iranit dhe se SHBA-të besojnë se ato nuk do të pengojnë negociatat për t’i dhënë fund luftës.

Fraksion.com