Alarme për sulme ajrore u lëshuan në tre qarqe rumune, dhe avionë F-16 u ngritën në ajër

Droni rus goditi katin e dhjetë të një blloku apartamentesh në Galati në orët e para të mëngjesit, duke i vënë flakën ndërtesës dhe duke plagosur dy banorë.

Lumi Danub aty pranë formon kufirin me Ukrainën, dhe portet ukrainase janë rregullisht shënjestra të sulmeve ajrore ruse.

Fragmente të dronëve rusë kanë rënë në territorin rumun 47 herë në 4 vitet e fundit, sipas Ministrisë së Mbrojtjes së Rumanisë, por ky është incidenti më serioz deri më tani, dhe i pari me viktima rumune.

Alarme për sulme ajrore u lëshuan në tre qarqe rumune, dhe avionë F-16 u ngritën në ajër.

Kujtojmë se incidenti, i cili ndodhi në qytetin lindor të Galatit në Rumani – afër kufirit me Ukrainën – të premten, u përshkrua nga ministria e jashtme e vendit si një “përshkallëzim serioz dhe i papërgjegjshëm” nga Federata Ruse.

Inspektorati i Përgjithshëm Rumun për Situata Emergjente tha se e gjithë ngarkesa shpërthyese e dronit shpërtheu – duke shkaktuar një zjarr brenda ndërtesës.

Shërbimet e emergjencës thanë se dy persona morën trajtim mjekësor pasi pësuan gërvishtje dhe rreth 70 persona u evakuuan ndërsa zjarri u shua.

Nuk është hera e parë që dronët rusë kanë kaluar kufirin e vendit anëtar të NATO-s gjatë luftës katërvjeçare me Ukrainën, por kjo është hera e parë që qytetarë nga Rumania janë lënduar.

Rusia ende nuk ka komentuar për incidentin.

Fraksion.com