Hapet për qarkullim segmenti i zgjeruar i autostradës Tiranë-Durrës deri te mbikalimi i Rinasit

Segmenti i zgjeruar i autostradës Tiranë-Durrës deri te mbikalimi i Rinasit është hapur tashmë plotësisht për qarkullimin e mjeteve.

Kryeministri Ei Rama, i shoqëruar nga ministri i Infrastrukturës dhe Energjisë Enea Karakaçi inspektoi sot këtë segment rrugor, i cili ka kaluar tashmë në një autostradë të Kategorisë A.

Ministri Karakaçi informoi se në këtë segment janë shtuar tashmë edhe dy korsi të tjera, ndërsa është kontraktuar edhe vijimi i fazës së tretë që fillon nga mbikalimi i Rinasit dhe shkon deri te mbikalimi i Laknasit.

Ndërkohë, Karakaçi theksoi se së shpejti do të nisë puna për vijimin e mëtejshëm të aksit drejt Durrësit, si edhe për segmentet e Korridorit Blu, Kashar-Lekaj, Lekaj-Fier. Në javët në vijim pritet po ashtu edhe dalja e fituesit të garës për segmentin Milot-Balldren.

Fraksion.com