Fox News: Trump ua ka bërë të qarta vijat e tij të kuqe iranianëve. ‘Pa presion kohor’ për armëpushimin

Fox News  tha se Presidenti Trump i tha prezantueses Martha MacCallum se nuk ka “presion kohor” për zgjatjen e armëpushimit me Iranin.

Sipas MacCallum, Trump i tha asaj në një telefonatë të mërkurën se ai “nuk është me nxitim” për t’i dhënë fund konfliktit dhe se ai dëshironte një “marrëveshje të mirë”.

Sekretarja e Shtypit e Shtëpisë së Bardhë Karoline Leavitt tha gjithashtu të mërkurën se negociatat “janë duke vazhduar” dhe Trump ua kishte “bërë shumë të qarta vijat e tij të kuqe” iranianëve – duke kërkuar që ata t’ia dorëzojnë SHBA-së uraniumin e pasuruar që kanë në zotërim.

Leavitt shtoi se Uashingtoni po “priste të merrte përgjigje nga regjimi iranian”, i cili sipas saj “nuk mund të dërgojë ende një mesazh të unifikuar, prandaj presidenti vendosi të zgjasë armëpushimin”.

Fraksion.com