Forumin e Diplomacisë në Antalia, Shekerinska: blerja e më shumë aftësive dhe teknologjive të mbrojtjes është thelbësore

Zëvendës Sekretarja e Përgjithshme e NATO-s, Radmila Shekerinska, mori pjesë në panelin në Forumin e Diplomacisë në Antalia me temë “Sigurimi i Evropës: Uniteti dhe Ripërtëritja Strategjike drejt Samitit të NATO-s në Ankara”, 18 prill 2926).

Znj. Shekerinska theksoi se në Ankara, Aleatët do të demonstrojnë progres në angazhimet e marra në Samitin e NATO-s në Hagë vitin e kaluar.

Zëvendës Sekretarja e Përgjithshme theksoi se vendimet historike për të rritur investimet në mbrojtje dhe për të përshpejtuar prodhimin e mbrojtjes po e bëjnë NATO-n më të fortë. Siguria jonë është më e fortë kur është transatlantike, tha ajo.

Zëvendës Sekretarja e Përgjithshme i kujtoi audiencës se, ndërsa Aleatët Evropianë dhe Kanadaja po rrisin investimet e tyre në mbrojtje dhe po marrin përgjegjësi më të madhe për sigurinë e tyre, blerja e më shumë aftësive dhe teknologjive është thelbësore.

Për industrinë, znj. Shekerinska theksoi rëndësinë e bashkëpunimit të Aleatëve me partnerë, si Ukraina dhe ata në Indo-Paqësor. Lidhur me Ukrainën,

Zëvendës Sekretarja e Përgjithshme riafirmoi angazhimin e palëkundur të NATO-s dhe shpjegoi se Aleatët po rrisin mbështetjen e tyre ushtarake dhe po punojnë me industrinë e mbrojtjes së Ukrainës, përfshirë edhe përmes programit UNITE-Brave.

Gjatë vizitës së saj në Antalia, Zëvendës Sekretarja e Përgjithshme pati takime dypalëshe me Ministrin e Shqipërisë për Evropën dhe Punët e Jashtme Ferit Hoxha, Ministrin e Jashtëm të Lituanisë Kęstutis Budrys, Ministrin e Jashtëm të Ukrainës Andrii Sybiha, Ministrin e Jashtëm të Jordanisë Ayman Safadi dhe Zëvendës Ministrin e Jashtëm të Turqisë, Ambasadorin Levent Gümrükçü.

Fraksion.com