Irani kërkon të zbatojë ‘sistem të ri’ për të qeverisur Ngushticën e Hormuzit dhe për të vendosur taksa

Deputeti iranian i Parlamentit (Majlis), Alaeddin Boroujerdi, ka thënë se një plan i ri parlamentar në lidhje me Ngushticën e Hormuzit do të “miratohet sa më shpejt të jetë e mundur”.

Sipas “sistemit të ri” të propozuar, asnjë kalim nuk do të lejohet “pa lejen” e Iranit, tha Boroujerdi.

Ai tha gjithashtu se Irani po kërkon të vendosë taksa tranziti në ngushticë.

“Duke pasur parasysh se ruajtja e sigurisë dhe ofrimi i shërbimeve për anijet që kalojnë përmes saj përfshijnë kosto, duhet të krijohet një kornizë për mbledhjen e taksave të tranzitit përmes ngushticës”, tha ai.

Ai tha gjithashtu se “ka ardhur koha” që Irani të tërhiqet nga Traktati për Mospërhapjen e Armëve Bërthamore (NPT) dhe tha se ai ka humbur “rëndësinë” e tij pas sulmeve ndaj objekteve bërthamore të Iranit nga Izraeli dhe SHBA-të.

Fraksion.com