Ndërroi jetë pas një ataku kardiak, trupi i 51-vjeçarit kthehet në “ushqim” për tre qentë e tij

Zbulimi i tragjedisë u bë nga karabinierët që shkuan në shtëpinë e viktimës, pasi familjarët e tij kishin ngritur alarmin për shkak të pamundësisë për të kontaktuar me të. Kur oficerët arritën në shtëpinë e tij në fshatin Rigali, ata u shqetësuan nga një erë e fortë dhe e vazhdueshme që vinte nga brenda banesës.

Të bindur se kishte ndodhur një ngjarje e rëndë, ata shpërthyen derën dhe zbuluan trupin e pajetë të burrit, i cili ishte i bërë copash nga tre pitbullët që kishin mbetur pa ushqim dhe pa ujë për ditë me radhë. Qentë gjithashtu tregonin shenja ankthi dhe kishin plagë të dukshme.

Sipas autoriteteve, burri ka ndërruar jetë për shkak të një problemi shëndetësor, ndoshta një goditje në zemër. Qentë, në kërkim të ushqimit, kanë filluar të sulmojnë trupin e tij të pajetë. Prokuroria e Peruxhës ka urdhëruar një autopsi për të zbuluar shkakun e vërtetë të vdekjes dhe se si kanë ndodhur ngjarjet.

Fraksion.com