“Lejohen vetëm 50 persona”, Izraeli autorizon rihapjen e pikës kufitare Rafah në Gaza pas gati dy vitesh mbylljeje

Izraeli autorizoi rihapjen e pjesshme të pikës kufitare Rafah midis Gazës dhe Egjiptit të hënën në mëngjes pas gati dy vitesh mbylljeje, sipas një zyrtari izraelit të sigurisë, duke lejuar një numër të vogël palestinezësh të largohen nga enklava e shkatërruar nga lufta dhe edhe më pak të kthehen.

Bashkimi Evropian po e operon pikën kufitare si hapin e fundit të fazës së parë të marrëveshjes së armëpushimit të ndërmjetësuar nga SHBA-të në enklavë që hyri në fuqi në mesin e tetorit.

Kalimi kufitar vendimtar, i cili ka qenë kryesisht i mbyllur që kur Izraeli e pushtoi atë në maj 2024, iu nënshtrua një sërë përgatitjesh të dielën nga Bashkimi Evropian, Egjipti dhe palë të tjera që do të përfshihen në drejtimin e pikës kufitare.

Gjatë ditëve të para të operimit, vetëm 50 persona në ditë do të lejohen të kalojnë në të dyja drejtimet, raportoi të hënën AlQahera News, degët shtetërore të Egjiptit, duke cituar një burim të paidentifikuar.

Umë herët uraportua se një total prej 150 palestinezë do të lejoheshin të largoheshin nga Gaza përmes pikës kufitare çdo ditë, por vetëm 50 do të lejoheshin të hynin.

Çmimi i lartë i kalimit përmes pikës kufitare, i shoqëruar me procese të gjata burokratike dhe sigurie, do të thotë se pak palestinezë mund të presin realisht të largohen. Disa palestinezë kanë raportuar se kanë paguar mijëra dollarë kur ajo ishte e hapur, gjë që pak mund ta përballojnë.

Fraksion.com