Ronela Hajati tërheq sërish vëmendjen në Eurovision. Kësaj radhe me mbulimin e veçantë!

Ronela Hajati ka surprizuar sërish me veshjen e saj në konferencën për shtyp të “Eurovision-it”. Në fotot e publikuara Ronela është komentuar nga ndjekësit e saj se veshja e saj ngjan me Maleficientin ose këngëtaren Lady Gaga dhe të shumtë kanë qenë ata të cilët e kanë përuruar për zgjedhjen e veçantë.

Veshjen e saj në këtë event këngëtarja ja ka besuar stilistit të njohur Niko Komani, i cili njihet për guximin që ka për të ngacmuar me veshjet e veçanta.

Më herët këngëtarja u diskutua për fotot provokuese të cilat Eurovision i fshiu nga faqja zyrtare e Instagramit. Ky veprim është shoqëruar me pikëpyetje nga ndjekësit, por jo vetëm. Madje një faqe në Instagram që i dedikohet përfaqësimit të Shqipërisë në Eurovision ka shfaqur hapur shqetësimin për këtë gjest të faqes zyrtare.

Fraksion.com