“Pica korona”; Italia reagon ashpër ndaj televizionit francez: Kërko falje!

Pizza një nga simbolet e markës Made in Italy është përdorur nga kanali francez “Canal+” për të vënë në lojë momentin kritik që po kalon Italia me numrin e lartë të personave të infektuar nga koronavirus.

Në një spot satirik prej 20 sekondash shfaqet një përgatitës picash i sëmurë që pështyn mbi picën që po servir, duke infektuar kështu dhe të tjerët.

Ky spot po shkakton polemika të forta publike e politike në Itali. Ministria e Bujqësisë e qeverisë Conte, Teresa Bellanova, ka deklaruar se ka aktivizuar kanalet diplomatikë për të sinjalizuar përmbajtjen e kësaj videoje dhe kërkon që “kanali televiziv Canal+ t’i kërkojë falje 60 milionë shtetasve italianë, punonjësve italianë, sipërmarrësve, prodhuesve që me këtë video janë fyer keq.”

Ka reaguar po ashtu dhe ministri i Jashtëm italian Luigi Di Maio, i cili ka deklaruar se ” të vesh në lojë italianët për emergjencën e koronavirusit që po kalojnë është e parespektueshme. Kam aktivizuar Ambasadën italiane në Paris”, tha ai e pretendojmë respekt për këtë moment kritik që jemi.”

Kanë reaguar dhe lidërë politikë si Giorgia Meloni e Fratelli d’Italia, e cila e konsideron këtë video të qëllimshme për të hamendësuar se prodhimet italiane janë të infektuara nga koronavirus.

Spoti satirik Pizza Corona është transmetuar gjatë emisionit Groland Le Zapoi.

Fraksion.com