Salla e re e koncerteve, Ermonela Jaho: Ne ëndërronim të këndonim në një ambient të tillë
Artistja shqiptare me famë botërore, sopranoja Ermonela Jaho vlerëson ndërtimin e sallës së re të koncerteve në Liceun Artistik “Jordan Misja”, të inauguruar dje nga kryeministri Edi Rama dhe kryebashkiaku Erion Veliaj.
“Nëse ne ëndërronim të këndonim në një sallë të tillë diku nëpër botë, artistët e rinj do fillojnë ta jetojnë këtë ëndërr në vendin e tyre. Ta gëzoni, ta gëzojmë të gjithë dhe u mbushtë me shumë dashuri dhe pasion të buruar nga shpirtrat e artistëve të së ardhmes”, komenton Jaho në Twitter.
Ndërtimi i sallës së re të koncerteve e pagëzuar me emrin e kompozitorit “Tonin Harapi” është një premtim i mbajtur i Bashkisë së Tiranës për një sallë të denjë për artistët e rinj që përgatiten për të shfaqur talentin e tyre në Shqipëri, por edhe nëpër botë.
Fraksion.com
