Berisha: Gonzato mashtron për qëndrimet e PD-së për integrimin
Kryetari i Partisë Demokratike, Sali Berisha, deklaroi sot gjatë mbledhjes së Kryesisë së PD-së se, ambasadori i Bashkimit Evropian në Tiranë, Silvio Gonzato përpiqet të mjegullojë qëndrimet e PD-së në procesin e integrimit.
“Ky zotëri përpiqet të mjegullojë qëndrimet e PD-së në procesin e integrimit. E ka bërë dhe vazhdon ta bëjë këtë”, tha Berisha.
Berisha theksoi se, PD është forca politike që ka firmosur të gjitha marrëveshjet në procesin e integrimit.
“Unë do t’i them që forca jonë politike është forca që ka firmosur të gjitha marrëveshjet në procesin e integrimit, ka qenë dhe mbetet lokomotivë e procesit të integrimit. Është forcë politike e cila ka shpallur si interesin më madhor kombëtar të shqiptarëve integrimin në BE”, shtoi Berisha.
Por, vijoi kreu i PD, “është forca politike e cila ka qenë shumë e sinqertë me partnerët dhe nuk ka pranuar kurrë të mashtrojë partnerët dhe të mashtrojë shqiptarët.
“Forca jonë politike ka qenë dhe mbetet e vendosur për një integrim të bazuar në meritë. Për të bërë gjithçka që Shqipëria të meritojë, dhe të garantoj se nuk është kurrë pengmarrja kulturë e shqiptarëve siç paraqisni ju AKSHI-n. Dhe e bën këtë në kohën e komunikimeve me shpejtësi drite”, u shpreh Berisha
Berisha u shpreh se, axhenda e PD nuk është MAGA, por integrimi i Shqipërisë në BE.
“Kjo histori e turpshme mashtrimi filloi me një trillim të padëgjuar ndonjëherë se Donald Trump kur erdhi LaCivita ka ardhur me një çek 9 miliardë dollarë për të bllokuar integrimin e Shqipërisë në BE dhe kjo është qarkulluar në nivelet më të larta”, tha Berisha.
Por, vijoi kreu i PD, “ne pavarësisht nga kjo, kemi deklaruar se Shqipëria nuk plotëson asnjë kusht përveç pozicionit gjeostrategjik të saj dhe u faktua kjo”.
“Sigurisht ne kemi marrëdhënie pa diskutim me SHBA dhe ne kemi disa specifika, nuk e mohojmë atë. Kosova nuk do ishte e lirë pa SHBA, askush të mos mendojë se ne e harrojmë këtë. Dhe tani për të ndihmuar Edi Rama, shtron prapë çështjen se disa kanë axhendë MAGA-n, nuk kanë axhendë integrimin evropian”, u shpreh Berisha.
“Unë mendoj se i shërben Edi Ramës me këto dhe unë nuk kam dëshirë në mënyrë absolute as të të përgjigjem, por unë jam skandalizuar kur kam mësuar këto”, theksoi më tej Berisha.
Fraksion.com
