“Këtu zien kazani”, Rama komentuesve: Shqipëria me shpejtësi të jashtëzakonshme me negociatat me BE-në
Kryeministri Edi Rama deklaroi sot se ka një shpejtësi të jashtëzakonshme me procesin e integrimit në Bashkimin Europian, ndërsa bëri të ditur se plani është që brenda vitit 2027 të mbyllen krejtësisht negociatat.
Në një komunikim të drejtpërdrejtë me qytetarët në rrjetet sociale, Kryeministri solli në vëmendje zhvillimet nga Konferenca e Sigurisë në Mynih ku Komisionerja për Fqinjësinë dhe Negociata në Bashkimin Evropian, Marta Kos deklaroi se Shqipëria dhe Mali i Zi janë në pararojë të këtij procesi.
“Për Shqipërinë plani është që brenda vitit 2027 të mbyllen krejtësisht negociatat dhe pastaj t’i jepet kohë vendeve anëtare të ratifikojnë Shqipërinë si anëtaren e re”, tha Rama.
Kryeministri shprehu bindjen se në fund të mandatit të katërt qeverisës, në vitin 2030 Shqipëria do të ngrejë flamurin kuqezi në majën e shumëndërruar të BE-së.
Po ashtu, Kryeministri informoi se kanë ardhur dy letra, një në fund të janarit dhe tjetra në fillim të shkurtit për të hapur dy grup-kapituj të tjerë në procesin e integrimit.
“Shpejtësi e jashtëzakonshme e ecurisë së negociatave, sepse Shqipëria po përmbush ato që duhet të përmbushë shumë shpejt. Ndërkohë që këtu zien kazani me “bufin plak të kënetës” në buzë të “kazanit”, duke u fryrë të gjithë zjarret të mundshme të së shkuarës që do të shuhen të gjitha dhe 11 maji do të jetë fundi i fundit të historisë së një kënete me një “buf” që ka marrë peng opozitën shqiptare dhe i lëviz si një hije e mallkimit qysh prej vitit 1912 Shqipërisë mbi kokë”, shtoi Rama.
Fraksion.com
