Gjermania kërkon të rikthejë shërbimin ushtarak
Përballë situatës aktuale të sigurisë, ministri i Mbrojtjes Boris Pistorius beson se është i mundur rikthimi i shërbimit të detyrueshëm ushtarak. Ai tha se heqja e tij ishte gabim.
Rivendosja e shërbimit të detyrueshëm ushtarak vërtet që tani do të çonte në “probleme të mëdha kushtetuese dhe strukturore”. Megjithatë, diskutimi për këtë do të marrë vrull duke pasur parasysh situatën aktuale të politikës së sigurisë, tha ministri gjerman i Mbrojtjes.
Në këtë kontekst, ministri i Mbrojtjes përsëriti edhe formulimin e tij, që ka ngjallur polemika se Bundesëehr duhet të jetë i “aftë për luftë”.
Debat për rekrutimin
Shërbimi i detyrueshëm ushtarak ishte temë në konferencën e Bundesëehr-it pothuajse një muaj më parë. Shoqata e Bundesëehr-it e kishte përshkruar rifutjen si një “mënyrë të fundit” për rekrutimin e personelit. Por në përgjithësi duhet të ketë edhe kushte më tërheqëse. Përballë kërcënimeve të reja dhe komplekse, është e rëndësishme që të rekrutohet shpejt më shumë personel për trupat. Kohët e fundit, gjithnjë e më shumë janë ngritur dyshime nëse Bundesëehr-i do ta arrijë objektivin e tij të deklaruar për 203.000 burra dhe gra me uniformë deri në vitin 2031.
Shërbimi i detyrueshëm ushtarak u pezullua në Gjermani në korrik 2011, pas 55 vjetësh, nën ministrin e atëhershëm të Mbrojtjes Karl-Theodor zu Guttenberg (CSU). Në praktikë kjo çoi në një eliminim të kryerjes shërbimit ushtarak dhe të shërbimit civil në komunitet. /DW
Fraksion.com
