Rama në shkollën profesionale të Peshkopisë: Mos u nxito që të mos kthehesh mbrapsht
Shkollat profesionale po tërheqin gjithnjë e më tepër vëmendjen e të rinjve, të cilët çdo vit e më shumë zgjedhin t’i frekuentojnë ato, si rrugën e sigurt drejt integrimit në tregun e punës.
Kryeministri Edi Rama ishte dje në shkollën profesionale “Nazmi Rushiti” në Peshkopi, e cila falë investimit të buxhetit të shtetit është transformuar nga themelet, në një infrastrukturë model e kompletuar sipas standardeve të njëjta me ato të shkollave europiane.
“Mos u nxito që të mos kthehesh mbrapsht”, shkruan kryeministri në rrjetet sociale, ndërsa ndau momente nga vizita në këtë shkollë.
Investimet në infrastrukturë për institucionet e arsimit dhe formimit profesional janë shtuar, duke krijuar kushte optimale për mësimdhënie e duke rritur interesin e nxënësve.
Shkolla profesionale “Nazmi Rushiti” në Peshkopi është kompletuar tashmë me reparte të praktikave profesionale, laboratorë, bibliotekë si dhe kabinete të pajisura me të gjitha mjetet e nevojshme didaktike.
Fraksion.com
